I vegnan da Damascus

I vegnan da Damascus

Las rösas damascenas pro’l mür da crap

I sun spassidas pür in october

In november s’ha intensivada lur odur

In december hana müdà culur

I sun gnüdas plü s-chüras

In schner d’eirna deblas

In favrer d’eir eu amalada

In marz s’hana remissas

Avrigl, mai, gün

Nu m’allgord

Ed ün bel di

In lügl d’eirna mortas

N’ha vis lur alas

Co chi’s stendaivan

Sur la stà oura

Vers il mür da crap